Баҳри амалӣ намудани Фармони Президенти Ҷумҳурии Тоҷикистон аз 5 июни соли 2020 таҳти рақами 1544 “Дар бораи пешгирии таъсири бемории сироятии СOVID-19 ба соҳаҳои иҷтимоию иқтисодии Ҷумҳурии Тоҷикистон”, дар шаҳру ноҳияхои вилояти Хатлон вохурии сохтору идораҳои масъули давлатӣ бо соҳибкорон гузаронида шуд.
Мақсад аз вохуриҳои мазкур ба соҳибкорон расонидани муҳтавои тадбирҳое, ки аз ҷониби Ҳукумати Ҷумҳурии Тоҷикистон дар самти дастгирии соҳибкорӣ ҷиҳати пешгирии таъсири манфии пандемияи COVID-19 ба фаъолияти субъектҳои соҳибкорӣ андешида шудааст, иборат мебошад.
